#UrduPoety - Dil ♥ bhi bujha ho sham ki parchaian bhi hoon..Marjaen hum jo aisy main tanhaian bhi hoon

دل بھی بجھا ہو شام کی پرچھائیاں بھی ہوں

مر جائیں ہم جو ایسے میں تنہائیاں بھی ہوں

آنکھوں کی سرخ لہر ہے موجِ سپردگی

یہ کیا ضروری ہے کہ اب انگڑائیاں بھی ہوں

ہر حسنِ سادہ لوح نہ دل میں اتر سکا

کچھ تو مزاجِ یار میں گہرائیاں بھی ہوں

دنیا کے تذکرے تو طبیعت ہی لے بجھے

بات اس کی ہو تو پھر سخن آرائیاں بھی ہوں

پہلے پہل کا عشق ابھی یاد ہے فراز

دل خود یہ چاہتا تھا کہ رسوائیاں بھی ہوں

SHARE THIS